عندي كم استفسار واتمنى ألقى الرد عندكم وانا متابعه من زمان للمنتدى بس اول مره اكتب موضوع ناويه ان شاء الله ع السفر باول ايام عيد الفطر 15يوم انا وزوجي ابي رأيكم ايهم افضل ماليزيا او اندونيسيا من ناحيه الطبيعة والأماكن والأسعار المناسبة يعني وش يميز اندونيسيا عن ماليزيا وش افضل طيران من ناحيه السعر والخدمات ابي رأيكم عشان اقدر انسق برنامج
الإجابة
انا سافرت إندونيسيا ورح اسافر ماليزيا إن شاء الله قريب
بصراحه من جد انبسطت انا وزوجتي في اندونيسيا جو وطبيعه وفنادق جدا راقيه وبأسعار مغريه ماعمرك بتحصلين مثلها في ماليزيا
وإذا على الترفيه عندك شاطيء انشول في جاكرتا ويحتوي على ( مدينة العاب اسمها دنيا فانتزي- واكواريوم عالم البحار – وسومدرا الي هي مدينة عروض ترفيهيه – وحديقه مائيه اسمها اطلنطس)
وعندكم بونشاك السكن فيه يرد الروح وجوه بارد وضباب
وبرضه مدينة الضباب باندونق من اروع مازرت في اندونيسيا
وفيه حديقة الحيوانات ( سفاري) وحديقة الزهور وكل وحده يبغالها يوم كامل
واذا تبغون التسوق عندكم مجمع اسواق منقا دو في جاكرتا ووهي عباره عن خمس اسواق تقريبا بجنب بعضها
الي ارخصها مجمع منقا دو بسار باقي
يوم وااحد مايخلص السوق
وبصراحه انا ندمان اني حجزت على ماليزيا مو اندونيسيا
بس يالله نستكشف دوله جديده
إجابة أخرى
انا سبق وزرت اندونيسيا 3 مرات … وماليزيا 7 مرات متتالية ..
طبعاً البلدين مختافين تماماً في اشياء كثيرة جداً .. بالنسبة لي مافية مقارنة بينهم وارى ان ماليزيا اروع واحلى لانها بلد راقية مهتمة بالسياحة ..
اندونسيا بلد فقير وماهو مهتم بالسياحة مثل ماليزيا .. وسائل النقل فيه محدودة رغم ان الفنادق فيه ممتازة لكن لا تقارن بفنادق ماليزيا .
وبالنسبة لبونشاك في اندونيسيا جوها ممتاز لكن مشكلتها زحمة العرب والشباب فيها كثير وطريقة اختيار السكن وكثرة المتسولين ..
ما تقارن بـ جينتنق او كاميرون هايلاند في ماليزيا ..
ممكن جزيرة بالي فقط هي اللي ممكن نعتبرها مهتمه بالسياحة الى حد ما لكن ما تقارن بجزر ماليزيا مثل بينانج و لنكاوي ..
عموماَ ارشح لك ماليزيا اذا تحب السياحة الراقية والترفية والتنويع في الاماكن والراحة في المواصلات ..
وبخصوص الاسعار ماليزيا فيها ما يناسب كل الميزانيات بخصوص الفنادق ووسائل المواصلات والتسوق
باختصار انت بين خيارين يشتركان في نفس الطبيعة والاجواء ويختلفون في المقومات السياحية
