ان شاء الله ناويه أزور الكويت لمده 7 أيام
وطبعا هذي اول زياره لي بالكويت
عندي استفسارات
ممكن اعرف افضل فندق أو شقق فنديقه اتكون موجوده في وسط الكويت يعني اقرب شي للمناطق السياحه و المولات و المراكز ؟؟
أبي اتكون اسعارها حلوه يعني مو وايد عاليه يعني وسط
وممكن اعرف وين ايبيعون محلات الجلابيات الكويتيه بسعر الجمله ( الراقيه) ؟
أماكن بيع الحلويات الغريبه ؟؟حتى اذا في رقم حرمة اتسويهم بالبيت يعني حلويات كويتيه صنع منزلي ( ينفع تقديمه لهدايا السفر ) ؟؟
وممكن اعرف كيف بيكون الجو ؟؟ حار ولا بارد ؟؟
و اذا في مجال اتخبروني شو الأمان السياحيه المتجاوره يعني اللي اقدر ازورهم بيوم واحد
علشان اسوي لي جدول سفر مرتب
الإجابة
دائماً أقترح السكن في السالمية, حيث المرافق المتعددة
من أسواق و مراكز ترفيه, مطاعم و مقاهي, و غيرها..
و اللي تتركز معظمها على شارعي الخليج العربي, و
شارع سالم المبارك, شارعين متجاورين يضمان معظم
مرافق السالمية الحيوية و التجارية, و يعد سالم المبارك
مركز التسوق الأول في الكويت…
الجلابيات الراقية عند المصممات الكويتيات
في شارع سالم المبارك مثل مجمع زهره, ليلى جاليري, البستان…
و كذلك بمجمع الأوقاف في شارع السور, بمدينة الكويت.
الأماكن السياحية المتجاورة بالكويت…
تقريباً جميعها لا يفصلها مسافة كبيرة,
و لحسن حظمن فيي السالمية هي المنطقة القريبة
لكل الأماكن الأخرى.
فأنا أقترح عليكم زيارة مرافق السالمية في البداية,
مثل عشرات المجمعات التجارية في شارع سالم المبارك
و المركز العلمي بشارع الخليج العربي, ثم على امتداد
شارع الخليج العربي يوجد الآتي:-
منتزه الشعب-أبراج الكويت-سوق شرق-قرية يوم البحار
كما توجد في مدينة الكويت بعض المجمعات الراقية للماركات
مثل الصالحية, الراية, دار العوضي.
و مجمع الإفنيوز في منطقة الري,
و مجمعي الكوت و المنشر في الفحيحيل.
وبالنسبة للحلويات الكويتية فيه محل روعة إسمه…هيل وزعفران في منطقة الجابرية وله فرع صغير بالمطار…وبانسبة للجو بارد ليلا بس مو حيل دافئ نهارا…أنصحك تمر الابراج ويكون وقت غداء أو عشاء وتاكلون في مطعم الافق بصراحة شي مميز