سفرتي لجورجيا لحالي ونصيحه للي يبي يسافر لها ..

بسم الله الرحمن الرحيم

في البدايه راح اتكلم عن سفرتي الي جورجيا لحالي واعتبرها مغامره لي ونجحت فيها ..
خططت للذهاب لجورجيا قبل سفرتي لها بشهر ونص وقريت عنها كثير وتابعت سنابات وحسابات السياحه بجورجيا واضفت حسابات بالانستقرام وشفت الصور ودخلت منتديات وقريت وسألت الاكثريه كان مؤيد والاقليه كان يسبها ومعارض وما يأيد السفر لها ترددت كثير لين طمني اخوي المرواني وقالي تعال وشف واكتشف بنفسك وبالفعل جزمت وحجزت قبل رحلتي بيومين وجاء موعد رحلتي وتوكلت على الله الساعه 2 الظهر وكان مسار رحلتي حايل الشارقه تبليسي وبالفعل وصلت تبليسي 11 بالليل وكان باستقبالي السواق واخذني للشقه اللي حاجزها لي اول ليله ونمت وارتحت وقمت من بكرا الصباح وافطرت وطلعت للمكتب اظبط جدولي وبالفعل ظبطت جدولي اللي يتظمن ثلاث ايام بتبليسي وما جاورها من غوداووري وجبال القوقاز والباراشوت واباناتوباني وانانوري والحمامات الكبريتيه والتلفريك وبعد ثلاث ايام طلعت الي باتومي وجلست فيها ثلاث ايام وتمشيت فيها وطلعت لساربي حدود تركيا ومطل اونيو والمدينه الترفيهيه وكذا اماكن وبعدها رجعت لتبليسي وجلست يومين وطلعت لمسخيتا ومدينة الحب سغناغي والمدينة المائيه والاسواق وثالث يوم كانت رحلتي ورجعت للسعودية هذا من خلال رحلتي اما بالنسبه للشعب الجورجي والامان عندهم ؟ صراحه شعب جميل وطيب والابتسامه على وجوههم ويرحبون بالسياح عكس ماقريته من ناس تسب البلد والامان قوي عندهم ولافي اي شي يدعي للخوف والقلق لدرجة اني انزل الساعه 2 اتمشى بالشارع وميدان التحرير والوضع جداً مطمن وامان وتعتبر جورجيا ثالث افضل دولة بالعالم من ناحية الامان وانا حاظر لأي استفسار بخصوص ذهابي لجورجيا ..

وشكراً …

هنا توصيه من الادارة افضل فنادق في جورجيا 2021