طالب منكم الفزعة بالمشوره الصادقه ، مهاجر مع عائلتي لجورجيا

السلام عليكم ، اخواني انا اخوكم ابو فارس فلسطيني مقيم بالسعوديه مع عائلتي ، وانا والله متوهق مع عائلتي لأني ابي اهاجر معهم الي جورجيا و الحمدلله عندي مبلغ مثل ما يقولون تحويشة العمر و يعلم الله ايشقد تعبت انا و العائله لنجمعها قرش قرش بالحلال ، وودي اهاجر و استقر مع عائلتي بجورجيا و تحديدا تبليسي ، فأبي منكم المشوره الصادقه وبالله عليكم اللي ما يعرف لا يعطي معلومة اذا مو متأكد منها لان يمكن معلومة خاطئة تسبب عواقب كبيره ، علما أني اجيد الانجليزية ، لكن ما عندي خبره الا بالدعاية بالشركات الطبيه لأكثر من 18 سنه لكن قالولي بجورجيا مافي مجال للاستثمار الصحي لانه مدعوم من الحكومه حسب ميزانيتها ، الزبده ان كل زادي بهالحياه هو مبلغ 140000$ فأفكر اشتري عقار اسكن فيه على قدي انا و عائلتي بحيث تكون قريبه من مدارس عربيه تبليسي ومؤقتا فندق في تبليسي للسكن فية الي ان أدور شقه تمليك غرفتين وصاله واو على قد الحال بمبلغ ما يتجاوز 45000$ و الباقي ودي استثمره في عقارات مضمونه الدخل تحقق دخل ما يقل عن 10% كي نأمن مصروفاتنا الأساسيه الشهرية و ما نحتاج لأحد لحد ما افهم البلد ولغتهم و ابدأ شغل تجاره بس لما أكون فهمت وضع البلد ، و قالولي البنوك بتعطي فوائد على الودائع بعوائد تتجاوز 12% سنويا لكن مثل ما تعرفون انها حرام والحمدلله ما دخلت بيتي قرش حرام و لا راح ادخل حرام لبيتي ان شاء الله ، فاللي يعرف بالبلد ينصحني النصيحه الصادقه كي أستفيد او يدلني على مكتب معتمد ابن حلال و الا يدعيلي الله ييسرها لي  ، وشكرا

هنا توصيه من الادارة بأفضل فنادق جورجيا 2021