ما الافضل اوزنجول ولا طرابزون؟ وما الافضل الاماكن؟
قسم المدة بينها
أوزنجول: ٢-٣ أيام على البحيرة كافية، ومنها تزور ديمر كابي والقرى حولها.
بايدر: اسكن يوم، مرتفعاتها جميلة ومنها تروح للتلفريك.
طرابزون: ٣-٤ أيام، ومنها نزور حيدر نبي ونتناول الفطور على البحيرة القريبة منها، وتزور مرتفعات السلطان مراد.
ما يميز الشمال التركي: سهل وبسيط وتوقف تتقهوى بأي مكان.
على حسب رغبتك:
طرابزون مدينة فيها مطار وأسواق ومطاعم.
أوزنجول قرية ريفية على بحيرة ومنظر جميل وطبيعة خلابة، وقريب منها الأماكن الطبيعية.
فيه ناس تسكن طرابزون لكن الأماكن الحلوة بعيدة عنها.
إذا تبي حرر بالفترة هذي: اسكن طرابزون.
إذا تبي يكون الجو حلو: اسكن أوزنجول.
طرابزون مدينة فيها عدد ٢ من المولات، طبعاً لا تتخيل مول كبير، وتقدر تروح لكم منطقة بالسيارة وترجع للشقة. لكن أوزنجول ميزتها أنك لو ما تبى تطلع بالسيارة، تقدر تتمشى فيها بدون سيارة. والأهم من ذلك، لا تفكر بمطاعم.