حبيت استفسر وين الاحلى لنكاوي او بالي لقضاء اسبوع شخصين + طفل
من كل النواحي
الغرض من السفر الاستجمام فقط لا تسوق ولا مولات
وين الاحلى
ووين الارخص
الاجابة:
لنكاوي افضل للعوائل المحافظة وبالي منفتحة خاصة كوتا
الأكل بلنكاوي افضل والغالبية حلال ولكن بالي تجد صعوبة في البحث عن المطعم الحلال
لنكاوي هادئة ورومانسية اكثر من بالي
لنكاوي بالليل هدوء قاتل بالعكس من بالي عالم ثاني ( ما تصلح للعوائل بالليل )
اجابة اخرى:
لنكاوي جزيره رووووووعه اذا سكنت في احد الشاليهات
وفي محلات لتأجير السيارات وتقدر تتمشى في لنكاوي وتخلصه في نص ساعه
بس من عيوبها بالنسبه لي
احنا سكنا في شاليهات وكان المكان خيالي وروعه لكن الحشرااااااااااااااااااااااااااااااااااااااااااااا ااااااااات الي من الخوف ما نقدر ناخذ راحتنا في النوم لان كذا مره تطلع لنا حشره غير شكل مع ان سكنا في شاليه 5 ستار بس لان المنطقه زراعيه وجنب السواحل يعني الصراحه الي يخليني مستحيل ازورها الحشرات الناموس والبرص وغيرها والصراصير يخرعون
والشي الثاني ان من تظلم الدنيا خلاص ماتقدر تتمشى فيها تخرع الجزيره ظلام ومحد في الشارع فيعني الصراحه يومين او ثلاثه اوكي عليها
