اخواني الأعزا ارجو منكم افادتي بأماكن التسوق الجيدة في (جاكرتا ,بالى ,بونشاك)
ابغى تقليد ماركه درجه اولى اذا موجود.
وبالنسبه لأسعار البضائع الماركة هل اسعارها مثلها عندنا او ارخص مثلا” (ملابس رياضيه , شنط نسائية , ملابس اطفال , جواتى رياضيه “وانتم بكرامه” إلخ…..)
ارجو الأفاده يالنشاما ودي بالهدايا الى تجمل.
الإجابة
اول حاجه اذا تبي هدايا صح عندك جاكرتا ( مانقا دوا , بزار بارو ) بصفه عامه اي مول في جاكرتا
بالاضافه في بالي اذا رحت لها راح تلاقي محلات كثيره في شارع لقيان واسالهم عن التقليد درجه اولى وراح يطلعون لك؟
واذا تبي تتسوق صح عندك باندونق ازين مافيها الاسواق يعني بامكانك تروح لباندونق تجيها من صبح الى الساعه 9 او 10 المسا وعقبها تكمل لجاكرتا لانها ماتستحق القعده , بس التسوق اجمل مافيها.
عندك بزار بارو موجود في باندونق ومشهور يتكون من تسع ادوار وفيه كل شيء بالذات الساعات والاحذيه والشنط ياسلام
وهو يفتح من 9 صباحا الى 5 العصر .
وعقبها تروح لشارع الجينز وفيه حاجات كثيره وهو بتحصله من عصر الى الساعه 10 مساء .
عشان كذا اقولك رح لها يوم من بدري طبعا من بعد الجبل تسوق فيها وكمل طريقك لجاكرتا .
إجابة أخرى
اسواق جاكرتا
سوق تامان انكريك : سوق فخم غلاي الاسعار به صاله تزلج ( جاكرتا بارات)
سوق سينيان سيتي : سوق فخم غالي الاسعار ( جاكرتا بارات)
سوق سنيان بلازا : سوقفخم غالي الاسعار به مطاعم (جاكرتا بوسات)
سوق بلوك ام بلازا: سوق جميل متوسط الاسعار ( جاكرتا سيلاتن)
سوق بلوك ام بسرايا : سوق فخم غالي الاسعار به مطاعم (جاكرتا سيلاتن)
سوق نبدك انده :سوق فخم غالي الاسعار به مطاعم (جاكرتا سيلاتن)
سوق اي تي سي : سوق رخيص الاسعار(فاتمه واتي)
سوق اي تي سي : سوق رخيص الاسعار (براماتا هيجو)
سوق تنابنغ : سوق رخيص للجملة ولا بد الذهاب اليه بدري لانه سوف يكون مزدحم جدا (جاكرتا بوسات)
سوق بلوك ايه : سوق شعبي رخيص للاواني المنزلية واللحوم والخضار (جاكرتا سيلاتن)
سوق سوق بازار بارو : سوق شعبي رخيص للملابس الجاهزة (جاكرتا بوسات)
سوق بازار كلوودك : سوق شعبي رخيص للالكترونيات (جاكرتا كوتا)
سوق مياستيك : سوق شعبي لبيع الادوية الشعبية والكروبوك (جاكرتا سيلاتن)
سوق منجا دوا بازار باقي : سوق لجميع الاغراض الملابس الاكسسوارت شنط المقلدة والالخردوات(جاكرتا كوتا)
اجابة اخرى
شف بصراحه انا بعطيك بعض الامثله من الاشياء اللي اخذتها انا كثرت بالساعات والمدام ماقصرت بالشنط
مثلا ساعه مقلده تقليد درجه اولى مثل رولكس ، مونت بلانك تلقاها تقريبا ب250 ريال انا اخذت مجموعه وساعدوني بالسعر غير كذا الله الله بالمكاسر يعني اي سعر يعطونك ياه نزل النص وارتفع شوي شوي لين توصل لسعر يرضيك .
اما بالنسبه للشنط ماركات واتحدى احد يفرق بينها وبين الاصلي شانيل ، فرساتشي ، ديور وغيرها كثير اغلى شنطه اشتريناها بحدود 100 ريال الباقي مابين 60 – 80 اتحدى تلقى ذي الاسعار هنا .
على فكره زوجتي خذت هدايا لاهلها وصديقاتها ( شنط ) الكل انهبل لدرجه انهم قالوا لزوجتي لو ندري انها بهالمستوى كان وصيناك تشتري لنا زياده .
وبالنسبه للساعات واحد من اخواني كانت الساعه شوي كبيره عليه وداها محل ساعات عشان يضيقونها له اللي بمحل الساعات قام يعرض على اخوي اي ساعتين يختارها مقابل الساعه اللي معه وكانت الساعه ماركه رولكس لدرجه انه يقول لاخوي مالها داعي تضيقها خذ اي ساعتين تبغاها بدال ذي بصراحه بيني وبينك اخوي ماكان مقتنع ان الساعه مره بس يوم شاف كلام صاحب المحل اقتنع ورجع خذ ساعته وطلع .
