انا وزوجتي وودنا نزور امريكا ولكن المشكلة تكمن في ان المدام الله يحفظها ترتدي النقاب يعني مغطيه
وبصراحة انا تراودني فكرة اني اكنسل الفكرة من اساس لهذا السبب
لاني احس ان المجتمع الامريكي ماراح يتقبل الفكرة واحنا ناس رايحيين نتمشى مو ناقصين مشاكل
فأتمنى من كل اللي عندة خبره بهذي البلد يعطي خبرته ولا رأيه واتمنى يكون احد توه رايح
1- السفارة ووقت الفيزة هل ممكن يعارضون بسبب( النقاب)
2- المطار شالوضع فيه مع الغطى(النقاب)
3- التنقل هناك هل بيكون فيه استغراب كثير
4-هل ممكن النقاب يخرب السفره
5- هل ممكن اضر الى ان اخلي المدام تشيله
بالاخير تنصحوني اروح لولايه معينه ولا اغير الدوله من اساس احسن
الاجابة
النقاب موجود في امريكا للجالية المسلمة سواء الهنود او الباكستانيين او العرب !!
يمكن يكون مستغرب في بعض الاماكن لاكن بالعكس الشعب الامريكي في حاله !!
في المطارات يطلبوا بالكشف للمطابقة !!
اجابة أخرى
الامريكان يحترمون النقاب وانا جنت هناك في فلوريدا ونيفادا وكاليفورنيا ونييورك لمدة شهرين في سبتمبر واكتوبر وكل سنة اسافر وزوجتي عليها النقاب الاسود والعباية السوداء كانها هنيه في الخليج وقمة الاحترام
إجابة أخرى
اخوي عادي لكن اهم شي مايكون اللون الاسود …يعني افضلوكمان خروج الفيزا ماله علاقه اذا منقبه او لا لكن مشكلتهم اللي ماحبيتها ان ضروري يطلع شوي الشعر من قدام ؟؟؟ليش ؟ماأدريمن رأيي اذا هذي اول سفره لكم لامريكا وعندكم خياراتحولو على كنداكندا غيييييييييييييير والحجاب والنقاب والعبايه مافيها مشاكل ابدا والشعب طيييب وودود وحبوب الى اقصى حد ولا احد حولك ..وامريكا حلوووه كمان لكن حسيت شوي بالمطارات مو مره سهل بالنقاب هذي اللي انا شفته بعكس كندا من ناحيه العبايه والحجاب مررره يحترمو دينك ولبسك بشكل انا استغربت منه حتى بالمطار يوم شافتني منقبه وتبي تطابق الوجه ودتني بغرفه لحالي وطابقتني وهي مبتسمه يعني نفسيا ارتحت وشعب كندا يختلف عن شعب امريكا….
اجابة اخرى
لا تشيل هم ولا شي الوضع جدا عادي كثير المنقبات من كل الجنسيات ولا فية مشاكل ولا شي ،، المطار ممكن كشف للتطبيق واخر مرة كان الي في الكونتر رجال ولا طلب انة يكشف وصراحة جدا استغربت .. امريكا حلوة وراح تنبسطون وتستانسون بس اهم شي لا تجلس تفكر كثير وتدقق في ردات فعل الناس يعني شي غريب عليهم اكيد بيناظرون ويستغربون بس انتم خلوكم رايقين ولا يهمكم
