قبل السفر دائما يخطر ببالك البلد الي تبي تروح لها ودائماً تفكر في المكان الى مارحته من قبل وجديد بالنسبة لك وكنت اتناقش مع زوجتي وكنا نفكر في الصين – اليونان- المغرب – الهند
وفي يوم رحت المكتب وجلس افكر بصوت عالي وسئلت زملائي الي زارو الهند ومدحولي كيرلا ولما سئلت زميلي الهندي (اهو من بومباي) شرايك في الهند؟….. انا قلت الهند مابغيت الا نفسي الهند والهند وصورلي بومباي كانها دبي ولا سنغافورا
بصراحة تحمست ونقلت الصورة للبيت
وأتى التصويت بالاجماع على الهند وبومباي بالتحديد
رتبنا الاوضاع وعلى مطار الملك فهد الدولي – الدمام
كنا حاجزين على السياحية وشفت زميل ماقصر طلعنا على الاولى جزاه الله خير ,طلعت الرحلة كلها ثلاث ساعات بعد تاخير ساعة ونصف وحنا ببومباي.
أشارة…… وحنا جالسين نسولف قدامنا ثنين شرقاويين عجز (كبار بالسن) شوي وجاني واحد منهم يطلب مني تعبئة البطاقة لانه مايعرف انجليزي قلت له خلها بعبيها لك بس خلني اخلص اكل ، وانا اعبيها بغيت اعرف بعض المعلومات عن سكنه بالهند وبعض الحقول ماكنت اعرف شنو اكتب فيها بالتحديد ورحت لكرسيه وسئلته,, الغريب والطامة الكبرى ههه الي جاوبي وبالانجليزي زميلة الي جالس جنبة هههه ولما سالته ليش ماعبيتها قال تعبان ومالي خلج وقتها مت من الضحك بصراحة مامسكت نفسي ضحكت ولما رجعت مقعدي كملت الباقي مع زوجتي.
طبعا جاء الترتيب بأن أبن زميلي (البومبي) راح يستقبلنا بالمطار وهو مرتب حجوزات الفنادق والحجوزات السياحة مثل المناطق الريفية (hill stations) والاثرية …..الخ
