بخصوص وسيلة النقل من الجسر الى البحرين والعكس

انا عندي شغل وعمل في البحرين تسوق وخلافة

وطالع ان شاء الله يوم الخميس الجاي

والحجوزات اغلبها فل وغالية ..

وسيارتي استمارتها مطوفة .. والرخصة منتهية .. والحاله ماهي طيبه ..

هل تتوقعون الجمارك تدخلني البحرين ؟ في وضعي الحالي

واذا لا وممنوع ..
ابي تفيدوني
اجار السيارة يقولون لازم تسدد مخالفات . ومخالفاتي كثير خصوصآ بهد نظام ساهر حسبي الله عليه

هل فيه وسيلة نقل باص او ميكروباص او كدادة من جسر الملك فهد؟

وبكم اسعارها

اماكنهم وهل اوقف سيارتي عل الجسر امان

وطريق الرجعه كمان كيف ارجع ادخل السعودية من البحرين

الأجابة:

امورك طيبه تروح توقف سيارتك في الجزيرة الصناعيه وهناك عند بقاله مـــيــد تلقى الكداده يوصلونك ب200 والرجعه نفس الشي تقول للتكسي ابرجع لوسط الجسر يدللك على كداده بحرينيين يوصلونك وبنفس المبلغ 200 تقريبا اما الجمارك ماتعدي اذا استمارتك مطوفه

اذا تبي ارخص شوف في باصات من الخبر يوصلونك ب60 ريال رايح واذا تبي رايح جاي ب100 ريال ويوصلونك لوسط المنامه وهناك في تكاسي ودبر عمرك … والا سياره ايجار او تكسي من الجسر غاليين شوي